مرحبا بكم في المنتدي الرسمي للنجمة جنات
مرحبا بك يا زائر

ادارة المنتدي ترجو منك التسجيل اذا كنت تود المشاركة في المنتدي
مرحبا بكم في المنتدي الرسمي للنجمة جنات
مرحبا بك يا زائر

ادارة المنتدي ترجو منك التسجيل اذا كنت تود المشاركة في المنتدي
مرحبا بكم في المنتدي الرسمي للنجمة جنات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مرحبا بكم في المنتدي الرسمي للنجمة جنات
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 ماتزوقينى يا ماما اواااااااااااااااااام يا ماما ههههههههههههه

اذهب الى الأسفل 
كاتب الموضوعرسالة
عاشقة الرومانسية
عضو جديد
عضو جديد
عاشقة الرومانسية


النوع : انثى عدد المساهمات : 13
نقاط : 9946
تم شكرك : 0
تاريخ الميلاد : 09/07/1993
تاريخ التسجيل : 05/09/2010
العمر : 30
الموقع : اميره الحب والرومانسية جنات

ماتزوقينى يا ماما اواااااااااااااااااام يا ماما ههههههههههههه Empty
مُساهمةموضوع: ماتزوقينى يا ماما اواااااااااااااااااام يا ماما ههههههههههههه   ماتزوقينى يا ماما اواااااااااااااااااام يا ماما ههههههههههههه I_icon_minitimeالأربعاء سبتمبر 08, 2010 6:45 pm

لكن فعلا انا قربت اتجنن بسبب الموضوع ده يا جدعان


مع دخول موسم الافراح ومن قبله ب 20 سنه وهما بيجهزوا البنيه




ويعينى الشباب المسكين مش لاقيين شقق .. مش لاقيين شغل .. مش لاقيين فلوس .. مش لاقيين اى حاجه


ويوم ما الواحد فيهم ربه يكرمه ويتجوز وماتعرفش ازاى جاب الشقه وجهز نفسه بالعافيه (ربك كبير برضه)


تلاقى الناحيه التانيه .. العروسه مجهزه نفسها من الأبرة للصاروخ ..


ولو دخلت الشقه بتاعت واحده داخله على جواز هتلاقى كراتين شمال و كراتين يمين


و كراتين فوق الدولاب وتحت الدولاب وجوه الدولاب .. و كراتين تحت السرير واحتمال فوق السرير


وينامو هما فى الحمام ده لو الحمام فاضى


واحتمال يكونوا شايلين الأنتريه وحاطيين بداله كراتين عشان مش لاقيين مكان


وطبعاً شنط السفر دى بتلمها من العيله كلها واى حد عنده شنطه سفر كبيرة يبعتهلها عشان تعبى الهدوم


وتلاقى الواحده من دول مجهزة نفسها يجى بتاع ....


30 فوطة (على اساس ان العريس معفن ومكنش بيستحمه فى بيتهم)


و 24 طقم سرير .. 4 بطاطين بوشين الوزن بتاع 6 كيلو ..


بطانيتين النمر .. طقم حلل تيفال .. طقم حلل الومنيوم ..


طقم حلل صاج .. طبعا غير الفردانى ..


طقم صينى يابانى اصلى لزوم النيش


(وطبعاً مابتقربش للنيش واحتمال يفضل زى ما هو لغايه ما تجهز بنتها بالصينى بتاعها )


طقم صينى صينى لزوم الاستعمال (وما بيتكسرش)


طقم اركوبال لزوم الفرن ... دا غير الفنجيل والكبيات .. االلى ما تعرفش تعدهم اساساً وبيجوا بالبركه كده ...


وشنطة معالق وسكاكين بمية الدهب .. وشنطة تانية بس من غير مية الدهب .. وشنطه تالته بالدهب بس من غير ميه ...


ومفرشين سرير هندى .. وكاسات تركى .. والبراد ماليزى .. والسكاكين مغربى ..


دا غير 12 طقم خروج صيفى ... و12 طقم خروج شتوى ...


... وسبع كراتين صابون كامى .. وسبع كراتين صابون لوكس ..


انا كده اتأكد ان العريس معفن


و 6 برسيل اوتوماتيك تسعة كيلو .... الخ الخ الخ



لييييييية هوة فية ايييية


دا جهار مدرسة الثانوية بنات مش جهاز بنت واحده


ولما تيجى تسأل هو ليه كل ده ؟؟؟؟


يردوا عليك ويقولولك : ده لسه ناقصها كذا وكذا وكذا


يالهوووووووووووووووووووى


كل ده ولسه ناقصها


طب وفلوس الجهاز ده جت منين ....؟؟؟


تلاقى امها ردت عليك


اهو ربك بيدبرها .. ماهو رزق البنات واسع .. اهى جمعية من هنا على جمعية من هنا ... على شوية حاجات بالتقسيط ....والراجل برضة ماسبنيش .. عمل استبدال معاش .. وربنا يقدرنا ونسدد القرض بتاع بنك ناصر .... مش بقولك يابنى رزق البنات واسع ...


رزق ايه يا حجه بس ده انتى مداينه لطوب الأرض
طب يا جدعان ايه لزمه الحاجات دى كلها .. ما تدخل بحاجات على ادها مش حاجات تكفيها ست سبع سنين


والفلوس اللى بتتصرف دى يوفروها بدل ما يداينوا ولا يدوهوا للعريس الغلبان اللى داخل بترنج اخوه الكبير عشان يوفر يا عينى


انا عايز اعرف رأيكم فى الموضوع الأوفر ده وبجد والله الحاجات دى انا بشوفها بعينى ومش هقولك حد غريب لأ دول قرايبى وكمان اصحابى


وعايز اعرف الكلام ده عندكم انتم برضه ولا انا جى من المريخ ولا ايه ؟؟


وتفتكروا ليه كل الحاجات دى مع انها ممكن تجيب ربع الحاجات دى بس ولا هو الموضوع منظرة وخلاص


يلا قولولى باه
الرجوع الى أعلى الصفحة اذهب الى الأسفل
 
ماتزوقينى يا ماما اواااااااااااااااااام يا ماما ههههههههههههه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مرحبا بكم في المنتدي الرسمي للنجمة جنات :: الفئة العامة :: الضحك والفرفشة-
انتقل الى: